Super Suroy: Bisita Bohol (Part 2)

Bakhawan
Bakhawan

Ania ang ikaduhang edisyon sa atong pagsuroy-suroy sa lalawigan sa Bohol nga naila sa iyang pagkamadanihon, gawas sa nabantog niini nga Chocolate Hills, aduna pay laing mga dapit nga nindot sab nga suroyan.

Sagol ang inyong masuwa­yan kon Bohol inyong adtoan kay masinati o malili ang ka­saysayan, adventure, ug ang talagsaon nga natural nga ka­tahum sa lalawigan.

Ania ang lain pang mga destinasyon nga dili angay sipyaton sa pagsuroy:

Ang Bantayanang Torre sa Punta Cruz: Paglantaw sa Kasaysayan

Handurawa ang kinabuhi sa usa ka tigbalantay niining century-old nga bantayanang tore.

Gitukod aron mobantay batok sa mga manunulong, nagtanyag kini og talagsaong mga talan-awon sa dagat ug mosaka ka sa mga ang-ang niini, makita ang munisipalidad sa Maribojoc.

Danao Adventure Park: Pang-adrenaline rush

Mga nagpangita sa adventure, kini ang lugar nga haom kanimo. Paglupad sa kahanginan sa kulbahinam nga mga zipline, pangahas nga pag-unlod sa limpyo nga mga suba, ug pagbuntog sa mga canyon sa Danao Adventure Park.

Ang maong mga kasinatian kon imong masuwayan siguradong dili nimo mahikalimtan.

Getafe Bohol: Kalinaw sa Kabakhawan

Mamahimong mosuroy sa malinawon ug matahum nga mga bakhaw sa Getafe. Pag-agi niining talagsaon nga ekosistema pinaagi sa bangka o kayak, pagbantay sa mga unggoy, ug mga nagkadaiyang ka­langgaman.

Beyond the Usual: Ubay, Pilar, ug Baclayon

Kompletoha ang i­­mong adventure sa Bo­hol pinaagi sa pagbi­sita sa maanindot nga Ubay Municipal Hall, sa nindot nga Pilar Malinao Dam, ug sa makasaysayanong Baluarte Baclayon.

Ang matag usa adunay kaugalingon nga talagsaon nga pagdani ug usa ka istorya nga naghulat nga madiskobrehan.

Ang Bohol puno sa mga surpresa sa matag higayon gikan sa natural nga mga katingalahan ug makasaysayanon nga mga bahandi hangtod sa kulbahinam nga mga panimpalad, adunay usa ka butang alang sa matag magpapanaw.

Sugdi ang pagplano sa imong panaw sa Bohol karon ug ablihi ang walay katapusang mga posibilidad nga gihuptan niining makabibihag nga isla.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph