Super Suroy: ’Chill&breathe’ - Baybayon beach home

Super Suroy: ’Chill&breathe’ - Baybayon beach home

Niining pagsulod sa tuig 2024, angay kita nga mogahin og de kalidad nga panahon sa atong kaugalingon uban sa pamilya, barkada o hinigugma.

Perfect ang island break aron ma-relax ug ma-energize gikan sa stress, personal o sa trabaho.

Ilakip sa inyong bucket list ang usa ka suroyanan sa isla sa Olango, Lapu-Lapu City nga haom aron maka-unwind ug masinati ang malinawong kinabuhi sa isla.

Gibana-bana nga 15 minutos nga biyahe sa pumpboat gikan sa mainland Lapu-Lapu, moabot ka na sa Sta. Rosa port.

Ang ‘Baybayon Beach Home’ nahimutang sa Barangay Tingo, Olango Island. Ang isla sa Olango naila nga ‘home of migratory birds’ ug marine sanctuary.

Gipasabot ni Dr. Filomena Dayagbil, usa sa mga tag-iya, nga ilang gipabilin ang local term nga ‘baybayon’ nga haom sa description sa nahimutangan sa ilang resort.

Ang maong property gipanag-iya sa ginikanan ni Dayagbil nga ilang gipa-improved 10 na katuig ang milabay sa dihang miretiro ang iyang inahan isip magtutudlo.

Gawas nga masud-ong ang tin-aw nga dagat, makita ang Tingo Causeway, timaan nga nagkalambo na ang barangay.

Sa interesado nga mosuroy, dili maguol tungod kay affordable ang rates sa Baybayon Beach Home nga adunay entrance fee nga tag-P50 matag tawo ug libre na ang mga bata

UNSAY NAA?

Sa gustong mag-overnight stay, ang family owned resort adunay cabana nga nag-atubang sa baybayon diin sa imong pagbangon sa buntag, ang sidlak sa haring adlaw modan-ag sa tibuok palibot.

Good for four-person ang cabana ug maximum ngadto sa pito ka tawo ang ma-accommodate apan kinahanglan mo-request og extra mattress.

Airconditioned ang maong room ug adunay kaugalingong toilet and bath.

Sa kadtong buot lang mag-day-use, adunay cottages nga kaabangan nga good for 10 – 12 persons, adunay tables and chairs nga adunay umbrella, lounge beach chairs.

Mamahimo sab mag-glamping sa hawanan sa maong resort. Adunay tent nga mamahimong kaabangan. Mahimo sab nga makadala og kaugalingong tent ang guests.

Way corkage fee kon magdala og kaugalingong bawon ug imnunon.

Sa gustong magsugba adu­nay silay common nga dapit sa pagluto o mamahimo’ng magpaluto nga adunay service charge.

SPECIAL EVENTS

Gipahibawo ni Dayagbil nga modawat sab sila og exclusive reservation alang sa special occasion sama sa beach weddings, birthday celebration, team buildings ug uban pa sa affordable nga rate.

Gawas sa maong accommodation ug amenities, labaw sa tanan tin-aw ug limpyo ang dagat nga makadani sa pagsawom-sawom.

REMINDERS

Dili kalikayan nga malingaw ang mga guest sa ilang pag-istar apan gipahinumduman nga igo nga motungtong ang alas 10:00 sa gabii, gihangyo nga dili palabian ang pagsaba-saba.

Ingon man ang mga buhat resulta sa kahubog tungod kay adunay barangay tanod nga regular nga mosusi ug mopahimangno aron magpabilin ang kahusay ug kalinaw sa maong dapit.

Alang sa dugang impormasyon, reservation o rates mamahimo’ng mo-message sa official Facebook page sa Baybayon Beach Home.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph