Super Suroy: Diskobrehon ta ang katahom sa Bayawan City

Sapa
Sapa

Ang Bayawan City, nahimutang sa habagatan sa Negros Oriental, nailhan tungod sa iyang matahom nga mga dapit ug mga makasaysayanon nga atraksyon.

Usa sa mga landmark niini mao ang Bayawan City Plaza. Haom ang maong lugar alang sa pamilya ug mga barkada. Pinaagi sa mga kalingawan ug ubang mga kalihukan, ang plaza naghatag og kahigayunan alang sa bonding sa pamilya ug higala.

BOULEVARD

Dili layo sa sentro sa maong dakbayan ang Bayawan City Boulevard, nga naghalad og matahum nga talan-awon sa dagat, ug romantic view sa pagsawop sa adlaw.

Ang boulevard usa ka popular nga lugar diin daghan ang mag-jogging, biking, ug strolling.

Ang Bayawan River usa usab ka importante nga bahin sa siyudad. Kini nga suba naghatag og kinabuhi sa mga lokal nga umahan ug mga industriya sa pangisda.

Ang Bayawan naila tungod sa malambuon nga industriya sa pangisda ug aquaculture, gawas sa abunda nga seafoods, naghatag sab kini og panginabuhian sa mga residente.

PAROKYA

Parokya
Parokya

Ang St. Thomas Villanueva Parish, usa ka makasaysayanon ug relihiyusong lugar, mao ang sentro sa espirituhanong kinabuhi sa Bayawan. Kon makaduaw ka sa maong lugar sa bulan sa Pebrero, ipahigayon ang kapistahan ug Tawo-tawo Festival, usa ka selebrasyon nga gihimo aron magpasalamat sa maayong ani ug paghatag og pasidungog kang Santo Tomas Villanueva.

Matag Pebrero, ang mga tawo sa Bayawan nagselebrar sa maayong ani pinaagi sa sayaw ug mga parada nga nagpakita sa tawo-tawo o scarecrow, nga nagsimbolo sa ilang panaghiusa ug pasalamat.

MERKADO

Merkado publiko
Merkado publiko

Ang Bayawan Public Market usa ka modelo sa kalimpyo ug kahapsay. Kini naghatag og daghang mga produkto, gikan sa mga preskong prutas ug utanon ngadto sa mga pagkaon sa dagat, nga nagpakita sa kahinlo ug kahapsay sa merkado.

Sa Bayawan, makita nato ang panaghiusa sa modernong kalamboan ug tradisyon, nga naghatag og usa ka lamdag sa kahupayan ug kalipay nga maoy ipanghambog sa mga residente niini. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph