Summer na sab mga Ka-Suroy! Siguradong naghinamhinam namo og laag, apan wa pa moy idea kon asa. Suwayi og suroy ang Barangay Maribago, Lapu-Lapu City alang sa makalingaw ug adventure summer experience.
Naila ang Dakbayan sa Lapu-Lapu nga usa sa mga sikat nga tourist destinations sa Pilipinas, ilabi na nga very accessible ang lugar nga sa imong pagtugpa sa Mactan Cebu International Airport (MCIA) duol ra ang naglumbay nga beach resorts, ug diving sites.
Usa sa mga coastal barangay sa Lapu-Lapu City ang Sityo Datag, Barangay Maribago nga abunda sa marine life nga perfect sab niadtong mahiligon og adventure sama sa watersports.
UNSA’Y NAA?
Sa kadtong gitawag og ‘adrenaline junkies’ mamahimong mosuway sa jetboat nga mas kusog sa naandang speedboat tungod sa gamit niining jet propulsion nga makina.
Usa sa mga labing popular nga watersport activity ang jetski, mahimo kaayong masulayan dinhi, higayon nga ma-master ang mga balod pinaagi sa pagmaneho sa jetski o ang futuristic nga kasinatian sa paglutaw sa tubig nga adunay usa ka sea breacher.
Ang mga mahiligon sa katulin nga maoy makadugang sa ilang kulbahinam nga kasinatian ang pagsakay sa flyboard. Alang sa usa ka makapahinganghang panoramic nga talan-awon sa baybayon ug view sa tibuok Mactan Island ug Olango, ang parasailing nagtanyag usa ka dili makalimtan nga panan-aw sa kawananga.
BARKADA
Mas bintaha nga grupo aron mas makadaginot sa bayranan.
Samtang sa kadtong dili mahiligon sa watersports, mahimo rang mag-chill chill o magpa-relax sa dagat.
Daghan usab ang nagtanyag og island hopping nga nagtugot sa mga turista sa pagduaw sa talan-awon ug pagsuhid sa dug-ol nga mga isla.
Ang maong dapit nagmadasigon sa paghimo sa water sports nga ma-access sa tanan. Ang ilang lainlaing mga kalihukan nagsiguro nga adunay usa ka butang alang sa tanan, gikan sa mga batid nga adventurer hangtod sa mga nangita og kaswal nga adlaw sa paglingaw.