KapurpurawanAng Probinsiya sa Ilocos Norte nga nahimutang sa amihanang bahin sa Luzon adunay mabulokong kasaysayan, kultura ingon man ang talagsaong suroyanan.
Nahulma ang maong probinsiya niadtong 1818 diin ang Ilocos Region gibahin sa duha ka mga probinsiya: Ilocos Norte ug Ilocos Sur.
Kon hisgutan ang Ilocos Norte nagsagol sa kultura sa Espanyol ug Ilocano.
Abunda ang maong dapit sa mga natural ug man-made attraction nga mga inila nga suroyanan sa mga lokal ug langyaw’ng turista.
Gikan sa ilang mga baybayon ngadto sa sa nagkadaiyang historical landmarks nga makapatagbaw sa nagkadaiyang interest o hilig sa usa ka turista.
Gikan sa thrilling adventure nga kalihukan, white sand beaches ug lapad nga kabukiran, makasaysayon nga lugar, tribal communities, lamian nga pagkaon ug ang pagkama abi-abihon sa mga lokal sa maong probinsiya, ang masugatan sa inyong pagsuroy sa lugar.
MGA SUROYANAN
Andam na alang sa usa ka adventure? Aniay unom nga talagsaon nga mga lugar nga mahimong ninyong suroyon:
1. Kapurpurawan Rock Formation: Mga higanteng bato nga gikulit sa hangin ug mga balod gikan sa baybayon nga gitawag og Kapurpurawan Rock Formation. Mahimong mosaka sa natural nga mga lakang niini alang sa makapahinganghang view, ug mamahimong tan-awon ang pagsawop sa adlaw sa kasadpan.
2. Paoay Church: Balik sa panahon niining UNESCO World Heritage Site. Ang makuti nga kinulit nga kampanaryo niini, baga nga mga bungbong, ug kasiglohan na nga kaanyag naghunghong sa mga istorya sa pagtuo ug kalig-on sa mga Ilokano.
3. Museo Ilocos Norte: Tipiganan sa adunahang kasaysayan sa rehiyon kining maong museyo. Gikan sa karaan nga pottery ug mga himan hangtod sa katingad-an nga mga buhat sa arte, kini usa ka panaw sa panahon ug henerasyon. Masaksihan ang kabatid sa katigulangan sa Ilocos Norte, gikan sa paghablon sa makuti nga mga tela hangtod sa pagtukod og maanindot nga mga simbahan.
4. Cape Bojeador: Nagbarug tumoy sa Luzon Island, diin ang hangin naghunghong og mga sugilanon kaniadto sa mga bumibyahe sa kadagatan. Ang Cape Bojeador Lighthouse, usa ka halangdon nga observation tower, nagbantay sa paghaguros sa mga lawod ug mga padulong nga sakyanang pandagat. Mamahimong tangason ang ibabaw nga bahin aron makita ang makapahinganghang talan-awon sa walay katapusan nga kapunawpunawan sa kadagatan.
5. Malacañang of the North: Masinati ang kahalangdon sa nangaging panahon niining kanhi presidential retreat house. Makita ang mabulukon nga mga hawanan, makuti nga mga tanaman, ug handurawan ang kinabuhi sa mga presidente nga kaniadto naglakaw niini nga mga nataran.
6. Bangui Windmills: Kining tag-as nga mga higanteng sama sa electric fan, nagtuyok-tuyok aron maka tigum og natural na kuryente gikan sa hangin . Simbolo kini sa pasalig sa Ilocos Norte sa limpyo nga enerhiya ug maoy tinubdan sa environment ug sustainable energy alang sa kabalayan sa maong dapit.
DIREKTA NA
Ang kagamhanan sa probinsiya sa Ilocos Norte ug ang Philippine Airlines nagtambayayong alang sa direkta nga flight nga manukad sa Cebu-Laoag nga rota nga nagsugod niadtong Disyembre 15, 2023.
Pinaagi sa maong direct flight mas paspas na ang pagbiyahe kon buot moduaw sa maong probinsiya ilabi na niadtong manukad sa Visayas o Mindanao.
Busa sa inyong next adventure, ilakip ang maong mga dapit sa inyong bucket list.