Super Suroy: Mag-estorya ta sa Panagsama, Moalboal

Super Suroy: Mag-estorya ta sa Panagsama, Moalboal

Sikat na daan ang lungsod sa Moalboal, habagatang kasadpang bahin sa lalawigan sa Sugbo nga aduna’y usa sa labing maanindot nga dagat, wa pay labot ang mga talan-awon nga ikadalit sa ilawom sa dagat sa maong dapit.

Gawas sa sikat nga Basdaku ug Pescador Island, kahibalo ka ba nga bisan og anaa lang ka duol sa baybayon, mamahimo ka na nga makakita og sardine run o kining mga isda nga nagtapok nga tungod sa kadaghan makapangangha nimo?

Anaa kini nahimutang sa Panagsama Beach sa Basdiot, Moalboal. Kon gikan ka sa dakbayan sa Sugbo, dul-an tulo ka oras nga biyahion ang dapit sa sakyanan.

Daghang bus ang magbiyahian gikan sa Cebu South Bus Terminal sa dakbayan sa Sugbo paingon sa lungsod. Inig abot sa Moalboal, kanaug lang sa sikat nga convenience store o ingna ang driver nga magpa-drop ka sa eskina paingon sa Panagsama.

Mas sayon kon anaay kaugalingon nga kasakyan tungod kay hilabihan ka mahal sa habal-habal ug trisikol sa dapit bisan lokal o foreigner ka, giingon nga dili moila ang mga driver sa dapit.

Foreign Guest
Foreign Guest
Budol Fight
Budol Fight
Accomodation
Accomodation

Dili lang sardine run ang dalit sa Panagsama Beach tungod kay kon maswertehan ka, mamahimo usab ka nga makakita og pawikan.

If hilig usab ka og dive, anaa say Mermaid Statue ilawom sa dagat nga makita.

Of course, kining diving usa sa rason nga gidumog ang Panagsama sa mga langyaw, gani 80-90% sa mga turista sa dapit, langyaw.

ISTORIA HOSTEL

Usa ang Istoria Hostel + Cafe nga number one choice sa mga afam tungod kay gawas nga bag-o, barato usab kaayo.

Anaa ra mahimutang ang Istoria Hostel sa Panagsama Road sa Basdiot, mga 7 ka minuto nga lakaw gikan ug paingon sa Panagsama Beach.

Nganong usa man ni sa choices sa foreign tourists? Matod sa tag-iya niini nga si Jonji Gonzales nga ang vibe mao ang nag-unang rason nga pilion ang iyang hostel, hilabi na sa mga backpacker nga tourists.

Dili lang sa accommodation ang ilahang gi-offer, ang experience usab nga ikadalit sa mga Sugboanon nga ilang gusto nga ihatag ngadto sa mga turista.

Dormitory nga mixed types ang beds sa hostel, meaning anaa kay mga kauban, babaye man o lalaki, sa inyohang room accommodation.

Anaa kini’y common toilet nga aduna’y showers with heater. Gawas niini, ang common area niini nga cozy sab kaayo aron i-chill ug makigsulti sa mga laing turista.

Istoria ang ngalan sa ilahang hostel tungod sa meaning niini nga “to converse” o makig-istorya ngadto sa ubang turista.

Usa sa kalingawan sa mga turista sa Istoria Hostel mao ang ilahang gitanyag nga aktibidad susama sa Lumpia Wrapping Workshop ug Family Dinner.

Coffee with Ube syrup
Coffee with Ube syrup
Beds
Beds

Oh well, sikat baya ang Pilipinas sa Lumpia Shanghai so why not? Diba? Kini ilahang family dinner mao ang atong gitawag nga budol.

Anaa sab silay trivia night nga beer pong tournament, dinhi mahanas imohang skills sa pag-shoot sa bola ngadto sa atbang nga baso.

Dili sab makompleto ang estorya kon dili nimo matilawan ang ilahang kape pinaagi sa ilahang Istoria Cafe nga abli matag alas 7:00 sa buntag hangtod alas 9:00 sa gabii.

I-try gyud ilahang Top or Bottom nga cold drink, dinhi usab ma-test kon top ka ba o bottom. Char ra! /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph