Gianunsyo sa World Boxing Council (WBC) nga gilibkas na sa ilang Board of Governors ang suspensyon nga ilang gipahamtang ngadto ni American boxer Ryan Garcia.
Mismong si WBC President Mauricio Sulaimán ang nipahibalo niini.
Si Garcia gisuspenso sa WBC niadtong Hulyo, 2024, tungod sa isyu sa racism.
Gipasabot sa WBC nga sa ilang obserbasyon, nakat-on na og leksyon si Garcia.
“We welcome him back with open arms,” tipik sa pamahayag sa WBC nga napatik sa www.boxingscene.com. / ESL