SUV mibangga sa multicab; 6 angol

SUV mibangga sa multicab; 6 angol

Unom ang nangaangol sa panag­bang­ga sa usa ka multicab ug sports utility vehicle (SUV) alas 10:10 sa buntag sa Lunes sa Maracas St., Nivel Hills, dakbayan sa Sugbo.

Si Patrolman Joe Vincent Traje, sa Traffic Enforcement Unit sa Cebu City Police Office (CCPO), niingon nga nakatu’g ang drayber sa SUV ug milabang sa pikas lane hinungdan nga nabanggaan ang multicab.

Si Enamae Borbon Tautho, 26, dalaga, usa ka call center agent, taga Brgy. Lahug, dakbayan sa Sugbo, gikustudiya gilayon sa kapulisan.

Nangaangol sa insidente sila si Noli Campasas, multicab driver, ug iyang asawa nga tupad niya nga si Juli Bee Campasas, taga Brgy. Lahug

Samtang nangaangol sab ang laing upat ka mga tawo nga nagtambay lang daplin sa dalan nga sila si Adelita Roxas, kinsa mabdos, Charmaine Precillas, Shiela Sinangote, ug Felicisima Carmen, usa ka senior citizen, pulos mga residenti sa Brgy. Lahug.

Ang mga biktima gidali sa pagdala sa tambalanan dinhi sa dakbayan sa Sugbo.

“Nakatulog na man daw siya ni­adtong higayuna. Okay raman pagsubida niya. Kalit mag kawat sa pikas lane ang sakyanan, nadasmag,” dugang ni Traje sa interbyo sa Superbalita Cebu.

Ang mga residente sa dapit nibutyag nga kalit lang nidaro ang SUV sa multicab.

Nakita nila nga nga si Juli Bee nilupad lusot sa windshield tungod sa kakusog sa impact. Ang bana gihulbot na sa mga rescue personnel gikan sa multicab human napiit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph