Usa ka puti nga sport utility vehicle (SUV) nga Mitsubishi Montero ang nakulob sa karsada sa national highway sa Bahay, Lungsod sa Sibonga, alas 4:45 sa kaadlawon, Lunes, Disyembre 9, 2024.
Ang SUV gimaneho ni Lival Banua Paltingca, 50, minyo, taga Poblacion, Lungsod sa Zamboangita, Negros Oriental.
Sa follow up sa Superbalita Cebu sa Sibonga police, nasayran pinaagi sa ilang imbestigasyon ubos sa kamanduan ni P/Capt. Feb Abadilla Seares nga ang SUV gikan sa norte nga bahin ug nagbiyahe padulong sa habagatan.
Apan pag-abot sa Bahay, nabulasot ang ligid sa lungag sa dalan nga dunay gipahigayong trabaho alang saroad widening ug tungod sa kakusog sa impact, ang sakyanan nakulob.
Naobserhan nga daghan na ang nadisgrasya sa dapit tungod sa mga road widening sa habatagan./DVG