Swimming, athletics sa 2024 Cebu
City Olympics ipahigayon sa Naga
Swimming Graphics

Swimming, athletics sa 2024 Cebu City Olympics ipahigayon sa Naga

Tungod sa nagpadayong renovation sa Cebu City Sports Center (CCSC), duha ka dagkong mga duwa alang sa ika-31 nga Cebu City Olympics karong tuiga ipahigayon sa gawas sa dakbayan sa Sugbo.

Sa press conference nga gipahigayon sa Department of Education-Cebu City Division (DepEd-CCD) building sa Huwebes, Enero 25, 2024, si Francis Ramirez, DepEd Division Sports Coordinator, niingon nga ang athletics ug swimming competitions ipahigayon sa dakbayan sa Naga, Cebu sa unang higayon.

Ang 31st Cebu City Olympics gikatakdang ipahigayon karong Enero 27 hangtod Pebrero 2, 2024.

Matod ni Ramirez nga ang Cebu City Government nigahin og budget nga P12 milyones alang sa nagkadaiyang galastohan.

Si Adolf Aguila, DepEd assistant schools division superintendent, niingon nga ang gahin nga budget gamiton alang sa pagkaon, kahimanan, uniporme ug honorarium sa mga opisyal.

Related Stories

No stories found.
SunStar Publishing Inc.
www.sunstar.com.ph