Syntrofia misaulog sa 5th anniversary

TAMPO
RAFFLE: Si Feliculo “Grand Senior Elder Double Delta” Lecciones Jr., pangulo sa Syntrofia Inc., maoy nihatag og mensahe alang sa kahiusahan sa grupo ug nipahigayon og raffle draw. / TAMPO

Nagsaulog ang grupo nga Syntrofia sa ilang ika-5 nga annibersaryo niadtong Mayo 19 nga gipahigayon sa ilang main headquarters sa Lower, Barangay Jugan, lungsod sa Consolacion, amihanan sa Sugbo.

Nag-abot ang lainlaing chapters gikan sa lungsod sa Tuburan, dakbayan sa Lapu-Lapu, dakbayan sa Mandaue, lungsod sa Consolacion, lungsod sa Lilo-an ug dakbayan sa Danao.

Sadya sa maong selebrasyon ilabi na sa pag-abot na sa higayon nga ila nang gisugdan sa pagbola ang ilang Syntrofia Linibong Cash Raffle Bonanza diin mokabat ngadto sa P95,000 ang kinatibuk-ang salapi ang ilang gipanghatag isip papremyo.

Mao kini ang mga palarang mananaug:

Unang ganti, P35,000 – June Rey Cortes sa Pianore Salon, Banilad, Mandaue City.

Ikaduhang ganti, P30,000 – Marilou Abaiz c/o Buyong Elementary School sa Lapu-lapu City.

Ikatulong Ganti, 25,000 - Catlina Capangpangan sa Lamac Consolacion, Cebu.

Samtang, ang nakadaug sa lima ka consolation prizes nga tag P1,000 mao sila si Shane Shane Radin, Jhunde Ricaplaza, Paul McGibson Ponce, Francine Lyra Barro ug Rey Bordalba.

Ang Syntrofia, Inc. usa ka grupo nga gipangulohan ni Feliculo “Grand Senior Elder Double Delta” Lecciones, Jr. diin ang panag-igsuonay sa isig ka miyembro ug maingon man pag-serbisyo sa katawhan maoy tuyo ug tumong sa pagtukod niini. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph