ANGAYAN mangandam ang mga motorista alang sa dako nga pagsaka sa presyo sa lana sa Martes, Hunyo 17, 2025.
Sa tagsa-tagsa nila ka advisory, ang Pilipinas Shell, Cleanfuel, Seaoil, PetroGazz, PTT, ug Caltex nagpahibalo sa pagtaas sa presyo og P1.80 matag litro sa gasolina ug diesel, ug P1.50 matag litro sa kerosene.
Ang pag-adjust sa presyo magsugod alas 6 sa buntag sa Hunyo 17.
Kini ang kinadak-ang pagsaka sa presyo sa lana sa milabay nga upat ka semana. / TPM / SunStar Philippines