Depensaan ni International Boxing Federation (IBF) Filipino minimumweight king Filipino Pedro Taduran ang iyang korona karong Sabado sa gabii, Mayo 24, 2025, batok ni Japanese Ginjiro Shigeoka sa ilang rematch sa Intex Osaka sa Osaka, Japan.
Mao kini ang labing unang higayon nga depensaan ni Taduran ang titulo nga iyang nailog gikan ni Shigeoka pinaagi sa 9th round TKO nga kadaugan sa premiro nilang away sa niaging tuig.
Si Taduran mao pa lang ang bugtong nakapilde ni Shigeoka.
Naggunit si Taduran og 17-4-1, 13KOs nga rekord samtang si Shigeoka adunay 11-1, 9KOs nga rekord.
Si Taduran usa sa duha lang ka mga Pinoy nga kasamtangang naggunit og world title kauban si World Boxing Council (WBC) minimumweight champion Mel-vin Jerusalem. /EKA, ESL