Aduna na’y laing world boxing champion ang Pilipinas human giilugan ni Padro Taduran og korona si International Boxing Federation (IBF) minimumweight champion Japanese Ginjiro Shigeoka niadtong Dominggo sa gabii, Hulyo 28, 2024, sa Shiga Daihatsu Arena sa Otsu, Japan.
Ning awaya, kanunay nga nag-asdang si Taduran nga nagpakita sa iyang grabe nga deteminasyon nga maangkon ang ikaduha niyang world title.
Sa nahabiling 10 segundos sa 9th round, nakadesisyon ang referee nga undangon ang away pabor ni Taduran gumikan sa pagkastigo niini og maayo sa kanhi wala’y pildeng si Shigeoka.
Si Taduran, kinsa lumad nga taga Libon, Albay, nisaka sa 17-4-1, 13KOs nga rekord samtang natagak si Shigeoka sa 11-1, 9KOs nga baraha.
Sa kasamtangan, si Taduran maoy ikaduhang world champion sa Pilipinas sunod ni Melvin Jerusalem, kinsa maoy tag-iya sa World Boxing Council (WBC) minimumweight title. / ESL