Tag P10K ang bonus sa mga magtutudlo

Local News Official
Local News OfficialSunStar File Photo

Gisugdan na ang pag-andam alang sa Christmas cash bonus sa mga magtutudlo sa publikong tunghaan ug non-teaching personnel sa dakbayan sa Mandaue, sanglit target sa Mandaue City Government nga organisahon ang pagpanghatag niini sa dili pa ang Pasko.

Si City Councilor Malcolm Sanchez, chairman sa education committee, niingon sa Huwebes, Nobiyembre 23, 2023, nga nakapasar na sila og resolusyon atol sa sesyon sa Konseho sa Siyudad niadtong Lunes, Nobiyembre 20, nga naghangyo sa local finance committee nga moisyu og certificate of budget ug magsugod sa mga pamaagi nga gikinahanglan para sa cash bonus distribution.

Ang inisyatiba nga gihatag kada tuig gikan sa kasamtangang ordinansa sa Dakbayan nga naghatag og financial grants sa mga pampublikong magtutudlo ug school personnel nga nagsilbing ikaduhang inahan sa mga bata sa eskwelahan, matod ni Sanchez.

Matod niya nga ang pundo alang sa bonus kabahin sa annual budget sa Dakbayan.

Ang Mandaue city adunay dul-an sa 2,000 ka mga magtutudlo ug non-teaching personnel gikan sa elementarya ug sekondarya, base sa datus sa Department of Education (DepEd)-Division sa Mandaue.

Si Sanchez niingon nga ang matag benepisyaryo adunay madawat nga P10,000 nga cash, ug tumong nila nga i-release kini sa dili pa ang Christmas break aron magamit kini sa mga magtutudlo sa paggahin og panahon uban sa ilang mga pamilya atol sa holidays.

Sa kalendaryo sa mga kalihukan sa DepEd alang sa school year 2023-2024, ang Christmas break magsugod sa Disyembre 18, 2023, ug matapos sa Enero 2, 2024.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph