Tag P10K nadawat sa 6 ka biktima sa aksidente

Tag P10K nadawat sa 6 ka biktima sa aksidente
SunStar Local News GPX

Mga biktima sa aksidente sa bus sa Hamtic, Antique nakadawat og kinatibuk-ang P60,000 nga hinabang pinansyal gikan sa Department of Social Welfare and Development (DSWD)-Western Visayas.

Ang trahedya nakapatay og labing menos 18 ka mga tawo ug niangol og 10 pa. Unom sa 10 ka survivor ang anaa pa sa seryosong kahimtang sa usa ka tambalanan sa dakbayan sa Iloilo, samtang ang upat stable na.

Ang DSWD-Western Visa­yas nihatag og financial assistance sa unom ka mga biktima nga na-confine sa Western Visayas Medical Center. Matag usa sa mga biktima nakadawat og P10,000.

Nakig-alayon ang ahensya sa Local Social Welfare and Development Offices sa pag-apod-apod sa mga hinabang sa ubang apektadong pamilya.

Aron mahibal-an kon unsa ang dugang nga suporta nga gikinahanglan sa mga biktima ug ilang mga pamilya, ang DSWD-Western Visayas nipahigayon og dugang nga mga pagsusi.

Ang aksidente sa bus nahitabo mga alas 4:30 sa hapon, Martes, Disyembre 5, 2023, human ang drayber sa Ceres bus nawad-an og kontrol sa sakyanan, nga nidala sa bus gikan sa highway ngadto sa 60- 70 ka tiil nga bung-aw. (Leo Solinap sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph