Nanawagan karon ang usa ka opisyal sa Vatican ngadto sa mga Pilipino nga mag-ampo alang niadtong mga naapektuhan sa Bagyong Crising nga miigo sa dakong bahin sa Luzon.
Atol sa ika-11 nga Philippine Conference on New Evangelization (PCNE) nga gipahigayon sa Manila, si Pro-Prefect of the Dicastery for Evangelization Cardinal Luis Antonio Tagle mihangyo sa mga Katoliko sa pag-ampo alang niadtong nakasinati sa kabangis sa Bagyong Crising.
“Let us pray for our brothers and sisters, who are currently experiencing difficult situations due to the typhoon, the rain, and the floods,” matod ni Tagle kagahapon Sabado, Hulyo 19, 2025.
Gihangyo usab niya ang tanan nga motanyag sa ilang tabang alang sa mga labing nanginahanglan taliwala sa katalagman.
“Let us not abandon them,” ni Tagle.
Niadtong Sabado, padayon nga nagdala og kasarangan ngadto sa kusog nga ulan si Crising sa lainlaing bahin sa nasod.
Si Tagle anaa karon sa nasod alang sa tulo ka adlaw nga PCNE nga gipahigayon sa University of Santo Tomas (UST) Quadricentennial Pavilion sa Manila.