Nipirma og duha ka mga tuig nga kontrata ang unrestricted free agent nga si Paolo Taha sa Magnolia Chicken Timplados Hotshots nga magsugod sa 50th season sa Philippine Basketball Association (PBA).
Si Taha, 34, nagduwa sa NorthPort Batang Pier sulod sa walo ka mga tuig una nahimong unrestricted free agent, nga naghatag kaniya og katungod nga makapili og team nga gusto niyang duwaan.
Ang NorthPort nipili kang Taha isip 29th overall pick niadtong 2014 dihang Global Port pa ang gidala ning maong prangkisa.
Nabalhin si Taha sa Mahindra (Terrafirma) ug Ginebra una nabalik sa BorthPort niadtong 2016. / ESL