Gilabni ni Chrisia Mae Tajarros sa Eastern Visayas ang unang bulawan sa 2025 Palarong Pambansa pinaagi sa paghawod sa secondary girls’ 3,000-meter event sa Ferdinand E. Marcos Memorial Stadium, Laoag City sa Mayo 26, 2025.
Ang Grade 8 student sa Tanauan National High School sa Leyte nipukan sa laing 28 ka partisipante sa maong event.
Ang 13-anyos nga runner unang nakakuha sa atensiyon sa social media sa miaging tuig sa iyang pagdaog og silver medal bisan pa man nagtiniil lang siya nga nidagan.
Karong tuiga, nakuha na gyud ni Tajarros ang bulawan. Sunod niyang apilan mao ang 1,500m event. / RSC