Gipusasan si Aida Patana Mananquil, ang kanhi Beauty Queen, human nalutsag warrant of arrest sa korte sa kasong estafa.
Si Mananquil, naila dinhi sa Sugbu nga negosyante, talent manager ug product endorser ang nabalhog sa Canduman Police Station Huwebes sa hapon, Septembre 5, 2024.
Ang pagsikop kang Mananguil, pinasikad sa warrant nga gi-isyu ni Judge Lucila M. Cad-Enjambre, Branch 89 sa RTC 7, Dakbayan sa Mandaue.
Ang huwes mipakanaog sa desisyon sa buwan sa Agusto 2024.
Si Mananquil, gipasakaan og kaso human miisyu og tseke nga way pundo o miuntol nga iyang giisyo sa usa ka negosyante nga mokantidad sa P606, 000.
Gawas niini, giingong duna pay laing kaso sa estafa si Mananquil.
Si Mananquil nakagawas ra sab human nakabutang og piyansa. /GPL