Talk to Papa Joe: Anak ang mapiit

Talk to Papa Joe
Talk to Papa Joe(SunStar File Photo)

Dear Papa Joe,

Ako diay si Chris, 30 anyos, taga San Fernando, Cebu.

Naa koy problema nga kinahanglan nako matubag kay lagi minos sad tawon ko og nahibaw-an ani nga sitwasyon.

Naa koy ka live in sulod na sa lima ka tuig ug nakaanak mi og duha ka buok.

Karon, kini laging below minimum ra atong sweldo, mahulog gyud sa lalis kay kini siya maluho gyud.

Niabot ang punto nga nibiya siya namo sud sa usa ka tuig ug niuban sa laing lalaki nga maayo ang kahimtang apan dili dawat akong mga anak, mao nga gibilin ra niya nako.

Karon gusto nako unta nga di nako ipatagad sa akong mga anak ang ilang mama ug kuhaan na siya og katungod kay nangita siya og lain.

Mangayo lang ko og opinion kon sakto ba ang akong plano. Tambagi ko.

CHRIS

Chris,

Ari sa ta sa relasyon sa imong mga anak ug imong asawa.

Dili sad patas para sa i­mong mga anak nga idawo nimo sila sa imong ka live in kay inyo man nang problema isip ginikanan nila.

Apan wa silay labot unta kon magdumot mo. Ti­nuod nibiya ang mama nila tu­ngod sa rason nga pwede masabtan sa imong mga anak inig kadako nila.

Apan ang pinaka sa i­mong problema kay sa reyalidad sa balaod, ikaw ang way katungod kay di mo kasado ug kon gustuhon sa mama nga kuhaon sila, pwede gyud apan dako’ng kagubot lang na nga ang imong mga anak ang maapektuhan.

PAPA JOE

(Sa inyong tampo ipadala lang sa papajoesuperb@gmail.com )

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph