Talk to Papa Joe: Ang pagbag-o

Talk to Papa Joe: Ang pagbag-o
SunStar Papa Joe

Dear Papa Joe,

Tawaga lang ko og Lucio, 60 anyos na ang pangidaron ug pamilyado.

Ikaduha nako ni nga pamilya ug may mga anak na niining ikaduha. May mga anak sad ko sa una nakong pares.

Nagkabuwag mi sa akong pares kay niadto siya og Manila kay lagi minos ang among pangita sa kanhi namo amo sa probinsya.

Ako ang nagmatuto sa tulo ko ka mga anak nga iyang gibiyaan pero dihang nag 7 anyos na ang kamanghuran, iya kining gikuha ug siyempre siya man daw kuno ang may katungod kay di mi kasado mao nga ako na lang gipakuyog.

Mub-on ko na lang, ang akong mga anak nakalimot na sa akoa kay lagi wa koy ambisyon nga amahan, wala daw koy ayo.

Nangaminyo akong mga anak nga wala gani ko pahibaw-a. Karon sakit kaayo palandungon nga naay mga anak nga di motugkad sa tinuod nga panghitabo.

Pasalamat na lang ko sa duha ko ka mga anak sa ikaduha ron nga grabe nagpangga nako.

Wa masayri sa una ko nga pamilya nga niasenso na ko ug may negosyo.

Mo share ta ko sa akong grasya nila pero gibaliwala ko nila.

Tambagi ako, Papa Joe.

LUCIO

Lucio,

Ayaw na lang pamugos kay basin di mao ang ilang nadungog sa imong pares nga sa tan-aw nila may punto usab. Padayon lang diha kay moabot ra gyud ang panahon nga moila ra sila nimo.

Samot na nga moingon ka nga maayo na diay imong kahimtang kay di nato ikalimod nga naa say mga anak nga kabilin ra sad ang gihuwat.

Padayuna ang imong pagmahal sa imong asawa ug mga anak.

Kon tan-aw nimo sayop ka sa una, tul-ira karon kay basin sila ang yawe nga ma prove nimo para sa imong kaugalingon nga pwede bag-uhon sa tawo ang sayop nga panghitabo.

PAPA JOE

(sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph