Dear Papa Joe,
Tagua lang ko sa alyas nga Ivana, 35 years old, ug lumolupyo sa Talisay City, Cebu. Ang akong problema kay kabahin sa akong bana nga 40-anyos ug akong pag-umangkon nga 20-anyos. Sukad man gud diri puyo akong pag-umangkon kay murag nausab akong bana nga mura na man ug batan-on manglihok ug manamit. Mura ba og nagpa-impress. Unya usahay dili malikayan nga iyang iangkas akong pag-umangkon inig padulong sa eskwelahan kay gatungha pa man ni siya.
Mao ni akong suliran karon pero gitago lang sa nako akong selos kay lain sad kay igsuon baya nako ang mama ani. So mura ra namo ni og anak-anak. Usa sad sa akong nabantayan kay ganado na man akong bana sa ako halos kada gabii na gud mi straight mga tulo na ka buwan. Unsa man gyud ni akong gibati? Tambagi ko.
Ivana
Ivana,
Daghang rason ana, pwedi insecure lang ka ug pwedi tinuod base sa woman’s instinct ug pwedi gyud sab nga sayop lang ka. Basin sa imong hunahuna nga ikaw maoy buthan sa imong bana sa gana niya, wala lang nimo isulti. Basin sad tungod sa imong ka-insecure nakapanindot sad ka og ahat sa imong kaugalingon, wala lang nimo mabantayi. Pwedi sab nga derektahon nimo imong bana sa imong mga katahap para once and for all mahuman imong pagduda. Pero if way pangangkon aw mas maayo ilahi na lang na imong pag-umangkon. Pasabta lang sad imong igsuon kay dili baya na direkta nga kadugo sa imong bana. Katapusan, palapdi imong pagpaniid nila.
Papa Joe
(sa inyong tampo ipadala lang sa papajoesuperb@gmail.com)