Talk to Papa Joe: Bawosbawos

Talk to Papa Joe
Talk to Papa Joe(SunStar File Photo)

Dear Papa Joe,

Tawga lang ko sa ngan nga Nanay Bebeng, 63 years old na ang panuigon.

Aduna koy anak nga 30 anyos ug professional na. Naninguha gyud mi bahala’g way amoa basta makahuman lang siya isip usa ka engineer.

Karon nagbungol mi kay nasuko siya namo nga among giingnan nga 35 na ka, pagminyo kay kami nasad iyang silbihan ug patilawon og kaharuhay.

Nasuko siya kay dako na daw siya ug may kaugali­ngon nga kinabuhi na.

Akong gitubag nga baga siya og nawong nga nitubag namo ana sa iyang papa nga kami kuwang na lang di mokaon para niya ug wa siyay ikabawos.

Gusto ra man ta namo nga sa di pa siya magminyo, haw-ason sa mi niya sa kalisod.

Karon wa mouli sa amo. Unsa may buhaton namo? Tambagi mi.

NAY BEBING

Nay Bebing,

Basin malain sad ka nako ha? Toxic mentality man na nato gud kanang bawos bawos.

Ang mga anak nga maayo nga pagkadala sa ilang ginikanan dili mistil diktahan unsay angay buhaton kon makabarug na sa ilang kaugalingon kay motabang gyud na kay naay gugma sa inyong pagpadako nila.

Apan kon buhaton lang puhunan o instrumento para mahayahay ang ginikanan puhon, basin mausab pa sama sa imong mong nasinati.

Ang mga anak namugna tungod sa gugma ninyo sa imong bana.

Resulta sila sa inyong gisudlan ug obligasyon nato nga mga ginikanan ang pag­hatag og maayong future nila.

Para di motaas akong tambag, ingna lang ang i­mong anak nga di mo pasagdan kon magminyo siya kay mga guwang na baya mo.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph