Dear Papa Joe,
Tawaga ko sa pangan nga Tintin, 24 years old nga taga Mandaue City. Mangayo ta ko og tambag nimo. Naay nanguyab nako sauna pero wa nako sugta kay lagi priority nako akong pag-eskuwela kay gibawalan man sa ko sa akong parents. Mao nga gitukmod ko ang maong lalaki sa akong best friend ug nagkauyab gyud sila. Nasakitan baya ko kay nasayod baya ang lalaki nga gimahal nako siya. Karon kay nagbuwag sila sa akong best friend ug ready na sad ko nga makauyab. Karon nanguyab siya nako ug balik pero wa nako sugta ug pagkabalo sa akong best friend nga nanguyab nako ang laki kay nagpalayo siya nako pero sa wala pa siya nagpalayo iya pa kong giaway ug gidaut sa uban namong kaila kay traydor daw ko maski wala man nako sugta ang laki. Mao ni siya ang gahasol nako. Tambagi ko.
TINTIN
Tintin,
Basin ikaw ray nakabalo nga best friend mo? Kay ang tinuod nga higala kamao mosabot sa sitwasyon, butang talang ug nagkauyab mo, nakahimo ba siya sa pagsusi ngano’ng nagka kamo? Tinuod agi ug respetar sa friendship mao siguro nga wala nimo sugta, meaning ikaw ang tinuod nga higala. Pero sabta lang sa siya kay nasakitan pa siguro siya ug siguro ayaw lang sad sugta sa ang lalaki hangtod nga ma-settle ninyo na. Pero kon siya gyud ang gahi ug tan-aw nimo worth it inyong gugma, why suffer sad? Timan-i ang tinuod nga higala kamao mosabot sama sa imong gibuhat ron.
Papa Joe
(Sa inyong tampo ipadala lang sa papajoesuperb@gmail.com)