Talk to Papa Joe: Buhay OFW

SunStar Papa Joe
SunStar Papa Joe

Dear Papa Joe,

Si Marivic diay ko, usa ka OFW. Taudtaud na ko diri sa Hongkong ug usa ko ka single mom.

Ang akong anak kay naa ron sa akong mga ginikanan. Ang akong patambagan unta unsaon nako ni akong mga ginikanan nga imbis makatigum ko, magsige na man lang og pangayo nako kay naa lagi kunoy paliton ug iangin pa ang akong anak.

Unya kon akong mabalibaran, dayon og pamuyboy nga di kuno lalim magbantay sa akong anak nga imbis mag-relax relax na lang sila, pero nagpadayon ang ilang serbisyo.

Pero ma shock na lang ko nga inig padala nako, makakita na lang ko og mga post sa among siligan nga gainum.

Unya hikayhikay pa, unya balik sa dati. Inig hurot mangayo nako.

Usa pa gyud sa akong nahibaw-an nga ang kwarta adto pa gyud sa akong mga igsuon nga way trabaho pero de pamilya.

Mura og akoy nagbuhi nilang tanan. Palihog tambagi ko unsay akong buhaton.

MARIVIC

Marivic,

Lisod kaayo na pasabton dayon sila kay naanad man. Kon kalitan nimo, hayan maangin ang imong anak.

Siguro mas maayo nga pasabton nimo sila nga wa nimo pamunita ang kwarta ug kinahanglan nimo nga duna kay tinigum kay di ka forever naa diha magtrabaho.

Basin pa kon madugay ka diha, laing problema na sad kay ang imong anak di na kaila nimo.

Maayo ta og dako ang imong sweldo nga sarang makapalit og bisan gamay nga balay ug magsweldo na lang ka og kadugo kay kabalo ka nga naay padulngan ang imong kwarta. Pero mao lagi na mahimo sad kang bati.

Usa sa solusyon ana kon andam ka, mao nga undang diha ug diri na lang ka ma­nginabuhi para di sila magsalig nimo.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph