Dear Papa Joe,
Tawaga lang ko sa pangalan nga Jerson, 25 years old ug usa ka call center agent. Motuo ba mo ug damgo nga naay meaning? Mao ni ang akong problema karon kay nahigugma ko sa babaye nga naa sa akong damgo kanunay pero naa sa akong atubangan pirmi sa kinabuhi sa reyalidad. Yes, kauban nako siya sa work, suod sad mi pero wala ko magpahalata nga nahigugma nako niya sa tago kay naa man ni siyay live-in partner.
Mura gani mi og gitadhana sa usa'g-usa pero nasayod ko nga lisod. Everytime magdamgo ko niya kay inig kita namo sa personal, murag kasultihon siya nga same mi og experience kay makita man nako iyang mga mata nga mura mi og naay relasyon sa usa'g-usa pero babag ang reyalidad.
Usahay moingon ko niya nga nagdamgo ko niya pero wala ko mosulti nga intimate akong damgo pero moingon sad siya nga siya pud nagdamgo nako pero dili sad siya mosulti nag-unsa mi sa damgo. Mosulti kaha ko niya sa akong feelings niya?
Jerson
Jerson,
Puno sa misteryo ang kinabuhi, personally ako motuo nga naay koneksyon sa atong kinabuhi ang damgo sa past o ba kaha sa future. Kon sa technology pa kay nagka-match inyong wavelength, you are connected. Well technically dili pa man siya minyo pero ayaw lang sad iloga kay dili lalim ilogan basin unsa pay dangatan ana sa inyong kinabuhi. Usa sad lawmi pa imong pagtuo sa damgo basin na misinterpret lang nimo iyang mga aksiyon. Pwede man sad ka mo-start og sulti niya sa tinuod nimong damgo basin pareho gyud mo. Naa ra niya tanan kon unsa man gani, basta ayaw pangilog.
Papa Joe