Dear Papa Joe,
Siguro nakakita na mo aning viral nga video sa usa ka babaye nga nangyam-id og construction worker. Ing-ana ako nga sitwasyon karon apan di ako ang nag-ubos og tan-aw nila, kon di ang akong parents.
Ako diay si Rona, 3rd year college na karon. Di mi dato. Akong mga ginikanan naa sa probinsya, mga pensionado na ug gitabangan sa akong mga igsuon nga naa sa gawas. Karon, naa koy nasuod nga lalaki nga taga silingan namo nga baryo gapuyo. Pero pagkasayud sa akong mama ug among tibuok pamilya, sila nangasuko nako kon ngano nga mamunit ko og ultimo.
Tinuod amigo pa mi, di pa mi uyab pero nasakitan ko kay wa ko magdahum nga ing-ana ang ilang tan-aw sa tawo nga nanginabuhi og tarong ug di pa gani nako uyab o basin pa mauyab. Pero ngano man? Mao ni ang nakapalibug nako ron kay gusto nila palikayan ang maong lalaki o di na ko nila patiwason og eskwela. Unsa may tambag nimo?
RONA
Rona,
Saludo ko sa imong prinsipyo no ug hinaot pa nga ing-ana og tinan-awan ang uban natong kaigsuonan nga nagtrabaho sa konstraksyon. Dako sila og na contribute sa atong pag-asenso isip usa ka nasod kay kon wa pa sila, walay imprastraktura nga mahimo ron.
Di sad ko ka blame sa imong parents kay basin galantaw sad sila sa imong kaugmaon. Anha ta maglibug kon unsa gyud ang sakto. Kon nahigugma na ka niya ug di pa nimo siya ma-encourage nga makakita og stable job, then ikaw, tarunga ang imong pagtuon kay kon makahuman ka , kamong duha magtambayayong. Pero kon wa sad siyay damgo, anha modaug ang imong pamilya sa tambag nila nimo. Wa ta masayud sa dagan sa kinabuhi. Daghan ko og kaila nga construction workers sa una nga adunahan na karon.
PAPA JOE
(Sa inyong tampo ipadala lang sa papajoesuperb@gmail.com)