Dear Papa Joe,
Unsaon man nako pagsulti ang akong uyab nga di ko kahatag niya og anak?
Ako diay si David, 35 anyos, taga Cebu ra.
Uyab mi for 5 years na ug di malikayan nga magsige mi og buhat sa buhat sa minyo pero wa siya momabdos kay di pa man siya ready so ga pills siya.
Karong sunod tuig, nagplano na mi nga magpakasal pero ang problema lang kay naa koy wa masulti niya nga di nako kahatag og anak kay nadaut ko sa antibiotic nga akong gi-take dihang nasira ko sa makadaghang mga higayon niadtong dukirok pa ko. Pero nag-usab na ko.
Ako ra man sad nga amigo nga doktor ang gasulti nako nga sterile na daw ko ron labi na last nako nga relasyon wa gyud momabdos sad.
Mao ni ako'ng naproblemahan nga basin maguba ra ang among kaminyuon kon di mi makaanak o di madayon ang among kaminyuon kon motug-an ko niya sa tinuod. Tambagi intawon ko.
DAVID
David,
Ako pa nimo, ayaw sa og conclude kon wa gyuy medical certificate nga nagpamatuod nga di na ka makaanak kay basin gi prank lang ka sa imong amigo para moundang ka sa imong binuhatan ug magbag-o. Kon diin nabag-o gyud ka.
Ako pa nimo moadto ka og laing doktor ug mag pa check up ka ug mapaihap sa imong binhi kay di man sad ka maka prove ana kay nag pills man ang imong uyab.
Kon di sad siya momabdos, wa man sad ta kahibawo nga siya ang naay deperensya.
Ang importante wa nimo nabuhat to su'd sa inyong relasyon ug butang to sa nangagi.
Usa pa, importante ang inyong pagminahalay ug tugutan mo nga makaanak og pinaka maayo.
Kon wa man gani, dawaton kay importante nahigugma mo sa usa'g usa.
Total naay daghang pamaagi ron.
PAPA JOE
(sa inyong tampo ipadala lang sa papajoesuperb@gmail.com)