Talk to Papa Joe: Di madawat

Talk to Papa Joe
Talk to Papa Joe(SunStar File Photo)

Dear Papa Joe,

Ako si Sydney, 30 years old, bag-ong minyo. Ang akong suliran karon mao ang akong mga ginikanan. Niabot na lang ang adlaw sa akong kasal wa gyud sila nagpakita namo kay di nila madawat ang akong asawa nga pinaangkan. Usa diay ko ka seaman ug naghuwat na lang ko nga mosampad pagbalik sa barko.

Grabe ang gipanulti ni Mama sa akong asawa nga hapit di gyud madayon ang among kasal tungod sa insulto. Apil na ko sa ilang giboyboy nga sila naningkamot nga makagasto nako unya karon laing tawo makata­gam­tam sa ilang pag-antos. Wa man sad ko nagkuwang nila kay ako man gani silang gipabalayan ug gipalitan og sakyanan. Unya kami nag-abang lang ug motor ra gani para wala silay masulti. Ako na mismo nga asawa nisabot nako nga unahon sa nako sila. Pero hangtod karon di sila moatubang nako ug itugon pa nila sa akong mga igsuon nga ready na sila mohawa kon bawion na nako ang balay. Unsa may angay nakong buhaton?

SYDNEY

Sydney,

Ginikanan man na mao nga respitaran nato bisan nasayud ta nga di sila sakto. Pero di sad ka magpakahilum lang, pasabta sila aron makapasabot ka sa imong kaugalingon kon may pagmahal ba sila nimo o gihimo lang kang puhonan nga mahaw-as sila sa ilang kalisud. Naa baya sad kay kaugalingon nga kalipay. Ang tan-aw nako nila mao nga nasuya o igi nang ilaha nga di sila gusto nga mabahinan ang laing tawo sa ilang pagpaningkamot para nimo.

Kon di sila mosabot, murag lahi na sad na. Pabugnawa lang basin pa makasabot ra sila puhon. Wa nila huna-hunaa nga, what if imong igsuon nga babaye mapaangkan unya ing-anaon sa pagtratar sa laing tawo. Makiangayon ba? Time heals.

PAPA JOE

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph