Dear Papa Joe,
Tawaga lang ko sa pangalan nga Jennifer 25 years old na ug dalaga pa. Nasayod ko nga mabaw ra Kay ni nga problem pero nakapa-bother nako.
Nganong naa man gyud tawo nga kalit lang dili na managad nimo maski wala kay gibuhat? Makahiubos lang ba kay feeling nako dili ko worth it amigahon kay feeling nako ikauwaw ko sa mga tawo, siguro bati kaayo ko og nawong.
Sama na lang sa kauban nako sa work, close kaayo mi sa bag-o pa siya, pero karon igo na lang sa pagyango nako dili na gani halos motingog.
Ambot bitaw naglibog ko, gusto ta nako palagpason ra ni pero ubay-ubay na man ni sila nga di gyud ko tinuod bati og batasan. I'm one of the guys gyud. Palihug tambagi ko.
JENNIFER
Jennifer,
Usahay dili question kon maayo ba ka og batasan or dili ug ang mga tawo dapat mosulti ana ug dili ikaw kon maayo ka o dili kay usahay gatuo ta nga ok ra gipakita nimo nga batasan sa uban apan basin naa kay mga aksiyon nga makairita nila.Basin wala ka kabantay nga sa mga kahulabilo nimo, imo ipakita nila nga center of attraction ka which is dili ganahan ang uban kay epal na paminawon. Mura ba og it's all about you ug mao na nalain ka karon kay nausab ang tinagdan sa usa ka tawo nimo.
Pero og attention seeker ka, mao mairita ang mga tawo nimo, o ba kaha wala gyuy isyu pero busy sila kay dili baya ikaw ray tawo mao nga dili na kaayo ka matagad ug big deal na nimo?
Dili ba ikaw ray nagsulti nga daghan na ang nibuhat nimo niini, basin naa nimo ang isyu ug problema. Ayaw lang dibdiba day, always remember nga people do come and go.
Papa Joe
( Sa inyong tampo ipadala lang sa papajoesuperb@gmail.com)