Dear Papa Joe,
Tawaga lang ko sa pangan nga Lyra, 40 years old na ang edad ug dalaga, ug kon nganong dalaga pa ko ron kay mao ni akong suliran. Pagkabata pa lang nako, gusto gyud sa akong mama nga mag top ko permi kay ganahan kaayo siya mopatong og stage ug wa gyud nako siya pakyasa hangtod pag-high school ug pag-college.
Dihang nakatrabaho na ko, kusganon gyud nga gisulti nila mama ug papa nga dili pa ko pwedi mag-uyabuyab kay kinahanglan nga mobawos sa ko sa ilang kahago sa akong pag-eskwela, labina nga ako ra usa ilang anak.
Naa man gani manguyab nako kay bastuson nila ug kasab-an ko pag-ayo, maski nag-30 na ko kapin mao gihapon. Labina nga maayo akong trabaho ug halos tanan nakong suweldo kay ihatag nako nila. Karon mangita na sila og apo, wa ba daw koy plano. Kinsa pamay ganahan nako nga 40 naman ko. Tambagi ko.
LYRA
Lyra,
Di pa man sad ulahi ang tanan kon kinahanglan gyud ka magminyo but make sure nga di nimo taason imong standard ba kay basin taas sad kaayo ka og standard.
Well siguro sa imong side, pwedi ka mopaubos sa standard. Ang pangutana, imong mga ginikanan? Basin og ngita sad sila ug labaw pa nimo para di sila makaingon nga swerte ang lalaki. Pero sa tinuod lang, imo man ng life unta. Hingkod na ka ug imo na nang katungod unsaon nimo imong kinabuhi ug kon maka-supervise pa imong parents then let it be. Dili pa ulahi ang tanan.
Papa Joe