Talk to Papa Joe: Di puro kasingkasing

Talk to Papa Joe
Talk to Papa Joe(SunStar File Photo)

Dear Papa Joe,

Tawaga lang ko sa ngan nga Jay. Babaye ko ug 30 na ang edad but dalaga.

Ang akong problema kay unsaon nako pag move on kay wa man gud madayon ang kasal dihang nasakpan nako ang akong pamanhunon nga naa diay siyay ka relasyon.

Ako sa akong side, murag makapasaylo ko niya kay ako may iyang gipakaslan. Pero ang akong pamilya labi na akong mga igsuon maoy ni-discourage nako nga di ipadayon kay kon masipyat ni ug kasado nami kay wa na koy kagawasan ug di gyud kuno sila mangilabot nako.

Tinuod man sad ang sulti nila kay pagpakibuwag nako niya, wa gani siyay effort nga mamugos nga madayon mi og kasal. Pero sa akong side, murag lisod nako dawaton ni. Unsa may buhaton ko para maka move on? Tambagi ko.

JAY

Jay,

Self denial lang ka. Naa na na sa imong atubangan apan di gyud nimo dawaton ang kamatuoran. Naa man guy mga butang nga di nato makita ug ang uban maoy dayag nga makakita ani ug kay tinuod man sila nga nagmahal nimo mao nga nisulti sila ko unsay angay. Kay kon mapasubo na ka sa mao nga lalaki, lisod baya igawas, gawas lang kon madayon nga naay divorce.

Maka move on ra ka ana ug mahimo pa gani kang mas maayo sa sunod, nga di lang puro kasingkasing. Kilatison gyud nimo daan. Sama sa samad inig kaayo ani, mahinumdum ka sa uwat apan sa kasakit, mahimong pu­long na lang ug maglikay naka masamad pag-usab

Papa Joe

(Sa inyong tampo ipadala lang sa papajoesuperb@gmail.com )

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph