Dear Papa Joe,
Palihug tagua lang akong pangalan ug Salome. Ang akong problema kay mahitungod sa akong pagkatawo. Nag-edad na ko'g 28 ron pero way stable nga lovelife, naa man unta pero dili sad magdugay kay naa nako ang problema. Dili makaabot og tuig ako gyud nga mabuwagan kay dili nako malikayan nga mangita gyud ug lain para sa lawasnong kalipay. Naa na unta toy seryoso ug para nako perpekto nga lalaki pero ang nahitabo kay nakasala ko niya ug unang higayon nga nakigduwa ko og lalaki nga nimabdos ko.
Andam gihapon siyang modawat nako maski ako na ang nisulti niya nga dili pwede kay hugaw ko nga pagkababaye pero namugos gyud siya ug nagpuyo mi maski wala koy love niya.
Siguro sa dili nako matagbaw og lalaki padayon gihapon ko og himamat ug buhat sa ingon sa lain ug sa wala damha nakuha ang bata maski wala nako gipalaglag. Sa akong kauwaw ug kaluoy sa akong kaipon, nilayas ko sa among lugar ug niadto og Manila diin nakakaplag na sad ko ug lain. Karon nibalik ko og Cebu para mobakasyon ug kami pa gihapon sa lalaki nga taga Manila pero nakigdulog gihapon ko sa kanhi nako ka live-in. Naunsa kaha ko, palihug tambagi ko.
Salome
Salome,
Kinahanglan nga mopa-check-up ka day sa rason nga naa kay compulsive sexual behavior. Sauna ang ilang itawag kasagaran kay nymphomania. Mangita ka og psychologist para ana nga kondisyon kay gawas ana pwede ka magkasakit og sexually transmitted disease nga pwede sad makakatag nimo sa laing lalaki nga makatag sa maong lalaki ngadto sa lain.
Basin need gyud ka og professional intervention para maundang na nimo kay kon makatag sad na sa ubang lalaki nga ing-ana ka maapil pa hasta imong dungog nga maapektaran pud ang imong pamilya. Labaw sa tanan kabalo ka nga sala na, mao nay permi nimo hinumdoman.
Papa Joe
(sa inyong tampo ipadala lang sa papajoesuperb@gmail.com)