Dear Papa Joe,
Tawaga lang ko sa pangalan nga Jenny nga taga Cebu. Ang akong problema kay kabahin sa relasyon nako sa akong mama. Si mama man gud tua sa Manila gatrabaho ug gibilin mi niya sa akong tiya sa Mindanao. Mga bata pa diay mi niadto pero tungod kay di nako maagwanta ang batasan sa akong tiya nidesisyon ko nga mobalik diri sa Cebu pinaagi sa pagtabang sad sa akong kaliwat diri sa side sa akong papa. Di man gud fair ang treatment niya namo, mas pinangga niya akong mga igsuon kaysa nako ug ako sad nasayran nga magpadad-anan diay si mama ug kuwarta niya pero wa ko makatagamtam sa gipadala sa akong mama, pero akong mga igsuon gipalitan ug gamit.
Naa siyay gihulhog sa akong mama, mao nalain sad ko ni mama ug sa mga tuig nga nilabay ni-try ko og communicate sa akong mama pero iya kong giingnan nga wa nako niya ilha nga anak. Sakit kaayo, mao nga mangayo ko og tambag nimo unsay akong buhaton.
Jenny
Jenny,
Day to be fair sad basin naa sad kay attitude kay nganong sa tanang manag igsuon ngano ikaw ra man sad? Basin mosukol sad ka sa imong iyaan kay lagi feeling gi-solo niya ang kuwarta. Sa tinuod di baya mo unta obligasyon sa imong tiya kay basin naa sad siyay iyang pamilya. Kon pila may gipadala ni mama nimo di sad na igo siguro ninyong managsuon. Butang ta lang wa inyong tiya ug i-sweldo na ug yaya ninyo plus konsumo pa, paminaw nimo igo ang kwarta ninyo?
Kay kung daku pa ug sweldo si mama nimo di namo ibilin pa, balayan mo ug pabantayan og yaya. Wa ta kabalo ug unsay nasulti sad nimo sa imong mama nga nakapainsulto niya ug sa imong tiya.
Anyways iampo lang nga mohupay ilang kasuko nimo. Ang inahan magpakainahan na, tagsa ra siguro makadumot gyud sa ilang anak, it’s all about pride lang ninyo. Salamat.
Papa Joe