Dear Papa Joe,
Tawaga lang ko sa ngalan nga Trining, taga Mandaue City. 30 kapin na ang panuigon minyo ug kasado.
Sa wala pa mi nagpakasal, miagi sa mi og puyo-puyo hangtod nga nakasal gyud mi.
Dako na unta nako nga chance magmalipayon dihang pwede pa ta ko mobuwag niya kay iresposable pero gipakasal ko sa akong mga ginikanan kay bwesit kuno.
Tuod man natarong og kadiyot pero human sa pila ka buwan, nisamot na ang bisyo.
Hangtod nalang na mabdos ko. Ako siyang gibiyaan ug niuban ko og laing lalaki nga nadawat ko niya bisan mabdos ko.
Lagota kaayo sa akong bana pero wa mi gikiha kay wa sad siyay kwarta ug nahadlok sad siguro siya itug-an nga mosuyop kay naa man koy mga video niya.
Karon giingnan ko niya nga magabaan daw ko ug mao ni akong suliran.Kay akong anak abnormal unya wa kaagwanta akong kapuyo, nibiya.
Nag-inusara ko nga nagbuhi sa akong anak karon. Gaba ba ni? Tambagi ko.
TRINING
Trining,
Di sad ko makaingong gaba kay kon Kristyanos ta murag wa koy nabasahan ana nga pulong kay ang Ginoo ray naay katungod mopamata nato.
Siguro naapektuhan imong pagmabdos gyud sa mga problema nimo ug wa sad nimo magam siguro imong panglawas.
Ang doktor ra gyud makasulti ngano nga ing ana ang imong anak.
Pero sa tinuod lang di man gud masulbad ang problema sa laing sudlan nga problema.
Naa naman na,laban lang. Pwede sad ka modangop sa barangay sa support sa bata kay anak man na sa imong bana.
Kana sad lagi kon moangkon. Basta salig lang sa Ginoo nga masulbad na.
PAPA JOE
( Sa inyong tampo ipadala lang sa papajoesuperb@gmail.com)