Dear Papa Joe,
Tawaga lang ko ug Roi, taga Bohol. Naa koy ex nilanat lang og five years among relationship. Akong problema kay hangtod karon naa pa koy feeling niya unya sige ra ko'g hulat kon kanus-a siya mobalik. Niana man siya nga naa daw siyay bag-o ipuli nako. Sakit para nako nga nagbulag mi. Gusto unta nako nga makig-uli apan dili na man siya. Unsa may buhaton nako? Pls. tambagi ko.
Roi
Roi,
Lisod gyud kalimtan ang usa ka tawo nga imong gihigugma sulod sa lima ka tuig. Natural lang nga naa pa kay pagbati, labi na kon wala pa ka hingpit naka-move on. Apan, Roi, usahay ang labing sakit nga kamatuoran mao ni: dili tanan nga atong gihigugma, mao gihapon ang magpabilin sa atong kinabuhi. Kon klaro nga aduna na siyay lain ug dili na siya gusto nga makigbalik, ayaw na pugsa ang usa ka relasyon nga siya mismo ang nibuhi. Ayaw usiki ang imong panahon sa pagsigeāg hulat. Gamita hinuon ang maong panahon aron ayuhon ang imong kaugalingon, palig-una ang imong kaugmaon, ug ampingi ang imong kasingkasing. Hinumdomi, ang tinuod nga gugma dili kinahanglan pugson. Kon para gyud mo sa usa'g-usa, ang Ginuo ang maghimo'g paagi. Salig nga aduna pay tawo nga moabot nga gitagana alang nimo.
Papa Joe
