Dear Papa Joe,
Maayong adlaw nimo, tagua lang ko sa pangalang Noel, 34 years ang edad ug usa ka OFW sa Japan.
Mangayo lang ko og advice Papa Joe bahin sa akong asawa. Halos sige na lang mi og away bahin sa kwarta kay lagi kusog siya mogasto sa gamit nga dili na angay unta paliton.
Usa siya ka public teacher sa elementary, tagua lang sa pangalang Mae. Wala mi anak pero kasal ming duha sa simbahan.
Ang rason sa akong mga lalis kabahin gyud permi sa kwarta Papa Joe kay gusto nako mag-save siya sa iyang suweldo, dili unta hutdon og gasto.
Naa man gud siya niipon sa iyang mama Papa Joe diin naa pud siya igsuon naay duha ka anak walay trabaho, niipon ra pud sa iyang mama.
Feeling nako siya naggasto sa tanan nilang mga panginahanglanon sa ilahang balay.
Akoa siya tambagan nga ayaw hutda imung kuwarta paggasto pero masuko dayon siya nako kay lagi ako na daw ang perfect nakahibaw sa tanan, pero maghatagan pud ko niya kada bulan diri sa akong sweldo bisan wala pa mi anak niya.
NOEL
Noel,
Ibutang na lang nga wa siya magtrabaho ug obligasyon nato mga bana nga mao gyuy mogasto.
Niingon ko nga ibutang lang para di ka maghunahuna sa iyang suweldo.
Importante wa magasto imong kuwarta sa lain. Di man nato siya mapugngan maluoy sa iyang pamilya. Ug sa iyang hunahuna,iya man nang kita.
Basta i-audit lang gyud imong kwarta pero ayaw sad siya daw-i mokuha para sa inyong panginahanglan.
Ang problema lang wa man moy balay mao nangipon siya, basin mahug na lang sad og abang ba. Basta i-audit lang gyud.
Papa Joe
(Sa inyong tampo ipadala lang sa papajoesuperb@gmail.com)