
Dear Papa Joe,
Tawaga lang ko sa pangan nga Joan, 25 years old. Naa koy ka live in for 5 years na ug naa mi anak, duha na.
Sa katong usa pa among anak, grabe na siya ka bisyoso og babaye ug way klarong trabaho.
Tungod ato, nagkalabuay mi. Wa na ko masayod og naunsa ko ato basta nahilambigit ko ato og laing nilalang. Seguro nakita lang nako niya ang care. Nasayod ko nga nahigugma nako katong lakiha apan nasakpan mi. Gidawat ko niya og balik maski giingnan ko sa akong mama nga ayaw kay manimawos ra na ni nimo. Ug tuod, nahitabo gyud kay gipamabdosan ko niya ug dihang nanganak na ko kay nibalik siya sa iyang bisyo, babaye ug illegal drugs.
Matud niya, nga solohon nako ang mga bata kay di kuno iya kay wa maliwat niya. Mao niy problema nako ron, palihug tambagi ko.
JOAN
Joan,
Usahay makaingon ta nga parents knows best. Kon naminaw pa ka ni mama nimo basin matarong pa na imong kahimtang. Apan naa naman na mao nga focus ka sa imong mga anak ug katong imong ka live in, pwede nimo na idangop sa balaud, pwede gyud na ma-fall sa VAWC kay wa niya suportahi ang inyong mga anak.
Unta di na ka padala sa atik anang lakiha sa sunod. Di man sad nato ma-blame tanan ang laki kay nasayop man gyud ka.
Lisod man gud bawsan ang sayop sa laing sayop labi na nga di mawa sa iyaha ang nahimo nimong pakig-relasyon.
Basta ang importante ron ang mga bata ug kon kaya na nimo, mangita ka og trabaho.
Papa Joe
Sa inyong tampo ipadala lang sa papajoesuperb@gmail.com