Dear Papa Joe,
Alyasi lang ko sa pangalan nga Mark, 30-anyos, may asawa, ug usa ka anak. Siguro matawag ang among sitwasyon sa akong asawa nga period of adjustment.
Sige mi og away ug kon pwedi pa lang mobuwag makigbuwag ko niya kay karon lang nako na-realize nga anak lang diay ang rason nako ngano nag-stay pa ko niya. Naa koy kaubang babaye sa among kompanya ug maingon ta nga pantasya ng bayan kay gwapa ug sexy, pero sa tanang lalaki sa among trabahuan diri siya nako nakig-close.
May ka live-in sad ni siya ug may anak na sab.
Sa sige namong share share sa among mga kasagmuyo sa among paris, wa tuyoa nga nagkarelasyon mi ug niabot sa punto nga nasakpan ko sa akong asawa ug naabtan gyud mi sa lodge kuyog ang kauban nakong babaye.
Nag-eskandalo siya ug nibahad nga ikiha mi kay may ebidensya man siya ug ipataktak mi sa trabaho. Pero nihangyo ko nga undangon namo ug dili na lang iabot sa kompanya kay kinsa na man lay mobuhi sa bata ug anugon ang dakong suweldo. Nihangyo sad ang ako’ng kabit nga siya na lay moundang.
Tuod man sulod sa usa ka tuig nagtarong ko pero wala masayod akong asawa nga wala moundang ang babaye. Unya karon dili gyud nako mapugngan ang akong gibati sa akong kauban. Nisuway ko’g duol-duol niya ug klaro man sad nga nahigugma pa siya nako. Unsa may ikatambag nimo ani?
Mark,
Makaingon man sad ta ug si "Mark tahimik lang.” Bitaw dong, butang ta lang wala ka mahigugma sa imong paris, buwagi sa legal nga pamaagi kay sa ilaron lang nimo siya sa tinuod na sitwasyon. May pa magsuporta ka sa imong anak kay sa magdako imong anak nga magsige og away iyang ginikanan. Lisod man pugson ka nga for the sake of marriage pero magbinuang gihapon ka, kay karon pa man gani na naka-infidelity balik kay gusto pa ka mohamag sa kanhi. Daghan ang pwedi maapektuhan, una imong anak, iyang future kay pwedi matangtang ka diha sa imong kalaki, gawas lang ug martyr imong asawa.
Ang pagkatawo sa imong asawa nga imong gipasakitan, ang Ginuo sa imong pagpakasala ug imong kinabuhi nga pwedi mahunong kon wala ka masayod sa kalibre sa ka-live-in sa imong kanhi kabit.
Papa Joe