Dear Papa Joe,
Ako diay si Joey, 25 anyos. Ang akong problema kabahin sa health sa akong mama. Si Mama 52 na ang edad, nagtrabaho sa usa ka pribado’ng company nga mga Chinese ang tag-iya. Wa man ko mag-ingon nga tanan pero bad blood gyud ni sila og Pinoy. Gusto unta nako paundangon si Mama sa trabaho kay maluoy ko niya sa iyang edad. Pirme lang singhagan sa iyang amo unya di baya ing-ana kadako ang sweldo.
Gusto man gyud unta siya pero anugunan siya kon moundang kay basin wa siyay madala. Mas maayo kuno 55 na siya kay maka avail na siya sa early retirement ug naa siyay pabawon. Pero naguol ko kay basin mao ra ni iyang kadisgrasyahan puhon ba kay bun-og na kaayo siya psychologically. Unsay matambag nimo?
JOEY
Joey,
Ipaklaro sa na sa mama nimo kon naa ba siyay pabawon kon mo-retire. Basin hinuon simbako wala ba. Basin moryo-moryo simbako. Kon makabalo mo nga wa siyay madala, basin wa silay kontrata, unsa ba. Mas maayo nga moduol sa hingtungdan sa Dole unya paundanga na lang. Basin tuod kon unsay mahitabo sa imong mama sa kahiubos ba.
Siguro mga dagko namo o ikaw, unya makasarang na sa inyong panginabuhi. Sa akong pagsabot wa na kay papa o single mom si Mama nimo. Magtinabangay na lang mo.
PAPA JOE