Dear Papa Joe,
Tawaga lang ko sa ngalan nga Notnot, 30 anyos, ulitawo.
Ang akong suliran kay kabahin sa akong mga paryente ug silingan.
Pobre man kaayo mi sa una ug karon na kapaayo ko sa among balay.
Imbis nga malipay akong kaliwat ug makatabangtabang sad ko nila, ila man hinuong gitratar nako kay gikan kuno sa illegal akong kita.
Sa tinuod lang usa ko ka YouTuber pero lahi akong content, kasagaran about sa kinabuhi sa bukid. Di sila motuo nga sa 10 thousand na akong subscribers.
Naa na koy gamay tawon nga income.
Nipalit sad ko og nindot nga cellphone pero mao lagi na ila daw ko papanid-an kay basin madamay sila.
Ayaw lang isulti ako YouTube channel kay abi pa lang nagpadala ko ani para ana. Palihug tambagi ko.
NOTNOT
Notnot,
Di sad ta moingon nga masuya pero naa sad siguro maoy nagdala og lubog sa isyu.
Maorag gihiluan sa uban sad ang way kaalam.
Suwayi og pakita sa resibo sa Adsense nga dollar ug i-convert og peso para makakita sila, di ba mamarayeg nana sila nimo permi.
Kay sa karon, hugaw pa man na ang ilang hunahuna.
Basin naay nagsulsol. Kon anhaon ka og taga ahensya sa gobyerno, ilatad tanang mga ebindensya nimo kay kon binuang na’ng imo, klaro sad kaayo nga gipanid-an na ka.
PAPA JOE
(Sa inyong tampo ipadala lang sa papajoesuperb@gmail.com)