Talk to Papa Joe: Hilabtanon

Talk to Papa Joe
Talk to Papa Joe(SunStar File Photo)

Dear Papa Joe,

Tawga lang ko sa ngalan nga Joanna, 30 anyos, usa ka office clerk. Bale tulo mi kabuok nga clerk diri pero sa among department ra mi.

Karon sa laing department naa say laing mga office clerk sa usa ka room nga di sad kaayo dako.

Bag-o ra mi gi-transfer diri since nag cost cut ang kompaniya ug gitipon na lang mi.

Kaning maguwang namo og edad nga babaye sa pikas nga mga clerk kay hawod sa kahilabtanon.

Di mi kaestorya sa akong mga isig ka department kay bantayan mi aning may edad na nga wa man ta siyay labot namo.

Malain siya if mag hinunghungay mi sa akong mga kauban sa among department.

Unsa kunoy among gitsika unya manghilabot siya kon dunay makasab-an sa among tulo.

Iya gyud sayron kon unsay hinungdan.

Usahay makaingon na lang mi nga mo resign na lang mi kay mura mi og mga bata nga hilabtan niya. Unsa may buhaton namo? Tambagi mi.

JOANNA

Joanna,

Daghan ka og pwedeng mabuhat.

Una, ipalapos lang sa pikas dunggan ang iyang istorya ug tubagon lang nimo og sakto.

Ikaduha duha, prangkahan nimo nga wa moy lain o bati nga istorya.

Naghinunghungay mo kay para di saba.

Ikatulo, ayaw dibdiba. Basin nakalimot siya sa iyang edad ug gusto lang niya nga ma belong siya ninyo o ba kaha nagpaka ate lang sad siya ug gibati lang ninyo og sabot.

Ikaupat, kon hilabtanon gyud siya nga wala sa lugar? Isumbong sa labaw para mahuman na ang inyong isyo.

Ayaw mo decide og undang dayon kay di lalim ang pagpangita og work karon.

PAPA JOE

(sa inyong tampo, ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph