Dear Papa Joe,
Maayong adlaw nimo ug sa sumusunod ning imong column. Ako diay si Junior, 20 anyos na ug ulitawo lang gihapon tungod kay mauwaw ko manguyab kay basin dili ko sugton kay putot lagi ko.
Sa pagkakaron nag-eskwela pa gihapon ko ug at the same time ako sad ang nag-asikaso sa mga negosyo sa akong parents.
Matod pa nila nga dili man ko bati og nawong nga dili magustuhan sa mga babaye. Pero mao lagi na maalaan pa ko ug 16 or 18 years old kay cute lagi ko, mga 5”1’ akong height. Mao gyud ni akong problema ug frustration kay gusto pa unta ko motubo maski 5”5’ lang unta. Pero mura og dili na puwedi kay 20 na ko. Wa gyud koy self confidence oi.
Murag akoy pinakamalas feeling nako. Unsa may matambag nimo ani akong suliran?
JUNIOR
Junior,
Tinuod gyud na nindot sad og maangkon nato tanang gusto nato pero dili ing-ana moduwa ang kalibutan. Suwerte gani ka kay may kaya mo, ang uban pa man gani kay mubo pa galisud pa gyud sa kahimtang. Gamita imong strongest point sa imong life. Dili ka kaingon nga mao ra nay gusto sa mga babaye. Ang uban gani moabot na sa panahon nga ang seguridad na ilang unahon, dili na sila mo-care if taas o guwapo basta naay security ilang future. Minyo man gani na uban diha nga wa pay kwarta nga pundo, ikaw pa kaha nga may negosyo. Ayaw sa pagsulti ug hinapos, ayaw lang sa pagdali, enjoy sa imong life. Ako man gani putot sad ko pero nakaasawa man gani ko og hitsuraan sad. Ang Ginuo nagtan-aw nimo ug andam siya og itagana, mohatag ug the best para nimo kon magpabilin lang kang maayo.
Papa Joe