Dear Papa Joe,
Tagua lang ko sa pangalan nga Inez, hingkod na ang panuigon ug pamilyado, minyo ug may usa ka anak. Nakapadala na ko og suwat nimo sa imong programa sa radyo ug wala ko masayod og nabasa ba nimo o wala pa. Kaning akong problema mahitungod sa akong bana, kasado mi.
Nahibaw-an nako nga naa siyay iring-iring sa ilang trabahuan ug napamatud-an man sad nako kay nakabasa man ko sa ilang convo nga mag I love you.
Mangutana ko sa iyang mga kaubang lalaki dili man sad manubag pero naay ni private message nako nga uyab sa akong bana ilang kaubang babaye. Akong gikompronta siya ug giingnan nga naa koy ebidensya ug ako silang itug-an sa ilang manager nga naa silay relasyon kay nasayod ko nga bawal na.
Pero giingnan ko niya nga sige ipadayon kay total mawad-an siya og trabaho maapektohan daw mi sa akong anak kay wala na mi ikabayad sa balay ug konsumo namo kay dili na siya mangaplay ug trabaho pa.
Sakto kaha nga pasagdahan na lang nako siya? Palihug tambagi ko.
INEZ
Inez,
So ikonsente nimo siya para lang sa obligasyon niya ninyo nga pwede man nimo na buhaton ug mangita ka og trabaho.
Pwede man ka mohangyo sa imong pamilya og tabang maski mabinlan lang sa imong anak para makatrabaho ka ug pasakahan na nimo og kaso imong bana ug itug-an nimo sa ilang kompanya nga naay imoralidad gibuhat ilang trabahante nga minyo.
Kon dili siya motrabaho asa man siya og kaunon, so bluff na iyaha kay mabilog ra imong hunahuna niya.
Patabang ka sa barangay o sa women’s desk sa inyong police station para makakuha ka og idea sa mga legal nimo nga buhaton.
Ayaw pugsa day oy kay wala nay gugma imong bana nimo kon ing-ana man lang gali iyang batasan.
Patagama na. Salamat.
Papa Joe
(sa inyong tambag kay ipadala kana sa papajoesuperb@gmail.com)