Dear Papa Joe,
Magpatambag ta ko. Tawaga lang ko sa name nga John. Kini nga problema di ni akoa kon di sa akong igsuon nga babaye. Nagkabuwag ni sila sa iyang kapuyo kay wa na magkasinabot. Nilarga sa layo ang amahan ug pila ra may istorya nakakaplag ang akong igsuon og lain ug nilarga og Leyte.
Karon nihangyo man ang lolo sa anak sa akong igsuon nga di lang dalhon ug magpuli-puli mi sa bata base sa kasabutan sa barangay. Karon maayo man ang dagan premiro pero karon nga nibisita ang akong igsuon, di man nila ipakita ang bata, ila man taguan. Unsay buhaton namo ani?
JOHN
John,
Kon di gyud magkasinabot og tarong, dangop mo sa balaod kay sa akong nahibaw-an, pwede sad sayop ko, ang mama maoy naay katungod ana kay di man sila kasado bisan pa kon magminyo og legal ang babaye sa laing lalaki. Ang laki pwede gyud sad og visitation right. Para klaro ug di ko masipyat, duol mo sa DSWD Patabang mo kay naa gyud nay guidelines ana kon unsay buhaton.
PAPA JOE
(Sa inyong tampo ipadala lang sa papajoesuperb@gmail.com )