Talk to Papa Joe: Kinsa sa duha?

Talk to Papa Joe
Talk to Papa Joe(SunStar File Photo)

Dear Papa Joe,

Ako diay si Isabel, 30 na ang akong edad ug may ka live in sa una. Duna mi duha ka anak. Nagkaproblema ko kay wa ko magdahum nga moabot ko ani nga sitwasyon.

Napriso man gud ang akong kapuyo, magtulo na ka tuig ug balita nako makagawas siya karong December o hinapus. Ang akong problema kay may kapuyo na ko nga lain unya nagtuo sad ni siya nga wala na mi atong naa sa prisuhan. Ang naa sad sa prisuhan gatuo na kami gihapon kay ako man sad siya tagaan og higayon nga magkalapaay ang lion ug karnero.

Ako nakigrelasyon ko para sad tawon naay makatabang nako kay duha ang among anak ug maayo man sad ni siya mo provide bisan di niya mga anak. Unsaon man ni nako? Palihog tambagi ko.

ISABEL

Isabel,

Day, mas maayo nga motug-an ka sa tinuod nilang duha o mahu’g ka sa wala. Duna pay bati nga mahitabo na hinuon kay wa baya ta masayud sa batasan sa imong kanhi, basin putong ug makabuhat og bati kay basin para niya wa nay ayo ang kinabuhi.

Sultihi lang siya basin makasabot kay sigurado ko ang mga anak iya gyud nang pangitaon. Pero kon makasabot siya nga para sa kaugmaon sa inyong mga anak, basin pa diay mo give way siya sa sibilisadong paagi. Hasta pud ang imong kapuyo ron sultihan nimo basin naa sad siyay ikatampo nga tambag. Basin usa ana magpalayo nimo.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph