Dear Papa Joe,
Naa koy problema ba pero di ni kabahin sa gugma gugma, kon di gugma sa silingan.
Ako diay si Jossie, 40 anyos. Sa among subdivision usa ko sa nag-una nga maninda.
Nag-invest gyud mi para sa among sari-sari store.
Maayo ang dagan niini hangtod nga ang atbang namo nga silingan nagtukod sad og sari-sari store unya maayo ang dagan.
So, ang nahitabo nakuhaan ang akong kita ug siya wa pa kakuha sa iyang puhunan kay nabahin man. Karon ang wa nako ganahi kay nagsige na man hinuon siya og panaut nako sa mga silingan nga padung na kuno ma-expire ang akong paninda.
Unsaon man ko ni? Tambagi ko.
JOSSIE
Jossie,
Ana gyud na ang kompetensya, naa ang dautay para mo standout gyud sila.
Make sure lang nga di tinuod ang iyang pag-akusar nga daan na ang imong paninda kay kon tinuod, dako ang tsansa nga mamalhin ang imong mga parokyano sa lain.
Kon okay nimo, mag-gimmick ka. Kon daan na ang unang paninda nimo, padong na mo-expire i-dispose nimo magpa sale ka para ma promote nimo ang imong tindahan.
Basta ang ako lang ikasulti nimo kay padayon lang gud. Normal ug natural ra na sa atong nasod nga mokompetensya gyud labi na nakita nila ang potential niini.
PAPA JOE
(Sa inyong tampo ipadala lang sa papajoesuperb@gmail.com )