Talk to Papa Joe: Kuhaan og katungod

Talk to Papa Joe
Talk to Papa Joe(SunStar File Photo)

Dear Papa Joe,

Ako diay si Rose Ann 25 years ang edad, minyo. Bag-o lang ko nanganak.

Wa man koy ikasaway sa akong bana kay buotan man ug provider. Ang ako ra gyung problema kay ang akong inlaws ba kay murag wa kakagusto nako. Akong anak sila gyud ang mobantay ug halos di gani ko pahikapon ug puno pa gyud sa koreksyon kon unsaon nako akong baby.Pero inig abot sa akong bana buotan kaayo sila.

Ganahan ta ko nga ako ra gyud unta mobantay kay ako gud ang mama. Maayo ba modangop ko sa barangay o sa DSWD para di sila kaduol sa akong anak? Pwede ba ko mohawa diri ug dad-on nako akong anak? Palihug tambagi ko.

ROSE ANN

Rose Ann,

Ang solusyon ra gyud ana, Day, mao ang paglahi og puyo, kamong magtiayon kay minyo na gud mo. Basin epekto lang na sa pagpanganak nimo imong suliran ron oi,basin na insecure lang ka sa atensyon nila nga na saa bata ug gusto nimo i-establish ang imong katungod.

Basin na overwhelmed lang sila sa ilang apo labi na nga una siguro ni. Kay kon gikalagutan gyud ka kay buhatan ug padungogdungogon ka og mga bati pero sa bata ra man.

Kon mag barangay ka o DSWD basin masamok lang hinuon ang inyong kaminyuon. Mas maayo ana lahi mo og puyo. Provider man kaha na ang imong bana. Let him provide a house maski gamay basta inyoha.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph