Talk to Papa Joe: Mapahimuslanon

Talk to Papa Joe
Talk to Papa Joe(SunStar File Photo)

Dear Papa Joe,

Tawaga lang ko sa ngalan nga Elena, taga Talisay City. Kining akong suliran di ni kabahin sa gugma apan matawag siguro nga gugma sa silingan.

Naa man gud mi puyo sa balay sa akong maguwang sa usa ka low cost subdivision diri sa Talisay.

Kami iyang gibinlan. Karon amoang atubangan kay parkingan.

Sa tupad nga unit ang tag-iya ani kay duha ang iyang sakyanan apan kami gamotor ra.

Karon masuko siya nga ibutang namo ang motor sa gawas ug alihan og tanom kay grabe naman mo-take advantage.

Mangisog isog dayon imbis mohangyo og tarong namo kay hawod daw mi nga di man mi ang tag-iya. Tuyuon og ligis ang kaang.

Unsay buhaton nako ani? Tambagi ko.

ELENA

Elena,

Kumon na nga problema sa mga naa sa subdivision, labi na kadtong way garahe kay kon di sila mo take advantage ug mo-park sa gawas, ang uban gibuhat man nga extension na sa ilang balay ang garahian.

Ang makatabang nimo ana mao nga moduol ka sa inyong mga opisyal sa home owners association para mabadlong na ang tupad regardless motor ra na ang inyoha.

Kon sila ni-claim sa gawas, nganong di man mo pwede? Kon molapas man sila, mohangyo sila og tarong. What if naa na moy sakyanan nga sigo ra sa sulod sa gawas sa inyong garahe?

So, maglisod sad sila, di ba? Mao nga kita sad mopalit og sakyanan ato sab siguraduhon nga di ta makahasol sa uban.

Last siguro nimo buhaton mao nga modangop ka sa barangay.

PAPA JOE

(Sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph